གཡང་ཕྱུག་འཚོས《བར་སྐོར་གྱི་གླ་རྒྱུག་རླངས་འཁོར》
ཞེས་པའི་ནང་གཙོ་འཁྲབ་བྱེད་པ་རེད།
ཟླ8པའི་ཚེས30ཉིན། ནུབ་རྒྱུད་གློག་བརྙན་མཐུན་ཚོགས་ཚད་ཡོད་ཀུང་ཟི་དང་ཧྲན་ཞི་ཞི་ཝེ་རིག་གནས་ཡུལ་སྐོར་ཐོན་ལས་མཐུན་ཚོགས། པོའོ་ཅི་བརྙན་འཕྲིན་ཁང་བཅས་ཀྱིས་མཉམ་འབྲེལ་སྒོས་ཕབ་པའི་གློག་བརྙན《བར་སྐོར་གྱི་གླ་རྒྱུག་རླངས་འཁོར》ཞེས་པ་ཞི་ཨན་ནས་ཕབ་མགོ་བརྩམས་ཤིང་། བོད་རིགས་མེ་ཏོག་ཆུན་པོ་གཡང་ཕྱུག་འཚོས་གློག་བརྙན་འདིའི་ནང་གཙོ་འཁྲབ་བྱེད་པ་རེད།
གློག་བརྙན་འདིའི་ནང་གཙོ་ཆེར་གླ་རྒྱུག་རླངས་འཁོར་གཏོང་མཁན་བོད་རིགས་བུ་མོ་བདེ་སྐྱིད་མེ་ཏོག་གིས་རླངས་འཁོར་གཏོང་དུས་ཐུགས་མཉམ་མ་བཞག་པར་རླངས་འཁོར་གདོང་ཐུག་གི་དོན་རྐྱེན་བྱུང་སྟེ་རང་དང་སྤུན་མཆེད་ལྟ་བུའི་བརྩེ་འདང་ཟབ་པའི་བོད་རིགས་བུ་མོ་ཆུང་ཆུང་དེ་རྐྱེན་ངན་ཁྲོད་ཚེ་ལས་འདས་པ་དང་། དུས་དེ་ནས་བཟུང་བདེ་སྐྱིད་མེ་ཏོག་སེམས་ཀྱིས་མ་བཟོད་པར་ལས་དང་རྒྱུ་འབྲས་སྲུང་སྟེ་རང་ཉེས་ཁྲིམས་ཞུ་བྱས་པའི་གཏམ་རྒྱུད་ཅིག་བརྗོད་ཡོད།
འདིའི་ནང་བོད་རིགས་བུ་མོའི་བློ་སྤོབས་དང་རང་འགན་རང་ལེན་གྱི་གཤིས་སྤྱོད་ལ་བསྟོད་བསྔགས་བྱས་པ་དང་ཆབས་ཅིག ལྷ་སའི་ཉེ་འཁོར་གྱི་རང་བྱུང་ཁོར་ཡུག་ཡོངས་སུ་མངོན་ཡོད། རྒྱུས་ལོན་པ་ལྟར་ན། གློག་བརྙན་འདི་ནི་ཟླ9བའི་ཟླ་སྟོད་དུ་ལྷ་ས་རུ་ཕབ་རྒྱུ་ཡིན་པར་གྲགས།
མཚོ་སྔོན་པོ་དྲྭ་བ།
No comments:
Post a Comment
སྐུ་ཉིད་ནས་བསམ་ཚུལ་འདོན་ཚེ་གཤམ་གྱི་ comment as ཡིག་སྒམ་ནང་ Anonymous བཞག། དེ་ནས་གཤམ་གྱི་ Publish གནོན།