ཉེ་
མཚོ་ སྔོན་ རྒྱང་ སྒྲོག་ བརྙན་ འཕྲིན་ ཁང་ བོད་ སྐད་ བརྙན་
མཚོ་ སྔོན་ རླུང་ འཕྲིན་ ཁང་ གིས་ སྤེལ་ བའི་ གནས་ ཚུལ་ ནང་ ། “ དགོང་ ཚོགས་ དེ་ ནི་ སྐུ་ ཞབས་ སྨན་ བླ་ སྐྱབས་ ཀྱིས་ མི་ ལོ་ སུམ་ ཅུའི་ རིང་ ལ། སྒྱུ་ རྩལ་ གྱི་ འོ་ མ་ བསྲུབས་ པའི་ མར་ ལོ་ ཞིག་ ཀུན་ གྱི་ སྤྱན་ ལམ་ དུ་ ཕུལ་ བ་ ཡིན་ ལ། ཁོང་ གིས་ སྒྱུ་ རྩལ་ འཚོལ་ སྙེག་ ལས་ ཐོབ་ པའི་ གྲུབ་ འབྲས་ ཁག་ ཅིག་ མི་ ཡུལ་ འདིའི་ ཟས་ རིན་ ཙམ་ དུ་ ཕུལ་ བའང་ རེད། ཐེངས་ འདིར་ ཁོང་ གིས་ ལོ་ ངོ་ སུམ་ ཅུའི་ རིང་ ལ་ བྲིས་ པའི་ གླུ་ ཚིག་ དག་ ངག་ ལ་ གྱེར་ མྱོང་ མཁན་ གྱི་ གཞས་ པ་ གཞས་ མ་ བཞི་ བཅུར་ ཉེ་ བ་ ཞིག་ གདན་ དྲངས་ ཡོད་ ལ། ཁོ་ ཚོའི་ མདོ་ དབུས་ ཁམས་ གསུམ་ གྱི་ ཁྱད་ ཆོས་ ལྟར་ སྙན་ མོ་ དབྱངས་ ཀྱི་ འགྱུར་ ཁུགས་ ལས་ ཁོང་ གི་ གླུ་ ཚིག་ དག་ ཡང་ བསྐྱར་ གངས་ རིའི་ ལྗོངས་ སུ་ གྲགས་ པར་ བྱས།” ཅེས་ བཀོད་ འདུག
གཞོན་ སྐྱེས་ སྒྱུ་ རྩལ་ བ་ ཆེན་ མོ་ སྐུ་ ཞབས་ སྨན་ བླ་ སྐྱབས་ ལགས་ ནི། ཕྱི་ ལོ་ ༡༩༦༣ ལོར་ མདོ་ སྨད་ མང་ འབའ་ བྱ་ གསུམ་ གྱི་ ཡ་ གྱལ་ མང་ ར་ འཇག་ རི་ སུམ་ མདོའི་ འབྲོག་ ཁྱིམ་ ཕལ་ པ་ ཞིག་ ཏུ་ སྐྱེས་ ཤིང། སྔ་ གཞུག་ ཏུ་ མཚོ་ ལྷོ་ མི་ རིགས་ དགེ་ ཐོན་ སློབ་ གྲྭ་ དང་ ། ཧྲང་ ཧེ་ ཟློས་ གར་ སློབ་ གླིང་ ། མཚོ་ སྔོན་ དགེ་ འོས་ སློབ་ ཆེན་ བཅས་ འགྲིམས་ ཤིང་ ། ད་ ལྟ་ མཚོ་ སྔོན་ མི་ རིགས་ གློག་ བརྙན་ འཕྲིན་ སྒྱུར་ སྐྲུན་ ལྟེ་ གནས་ སུ་ ཕྱག་ ལས་ གནང་ བཞིན་ ཡོད། ཕྱི་ ལོ་ ༡༩༨༢ ལོ་ ནས་ བཟུང་ གསར་ རྩོམ་ གྱི་ ལས་ སུ་ ཞུགས་ ཤིང༌། ད་ ལྟའི་ བར་ དུ་ སྙན་ ངག་ དང་ སྒྲུང་ གཏམ། ལྷུག་ རྩོམ། ཁ་ ཤགས། གར་ ཆུང༌། གླུ་ ཚིག་ སོགས་ ཡིག་ ཐོག་ བརྩམས་ ཆོས་ ༣༦༠ ལྷག་ སྤེལ་ ཡོད་ པ་ མ་ ཟད། ཁོང་ གིས་ གློག་ བརྙན་ སྐད་ སྦྱོར་ པ་ དང་ ། འཁྲབ་ འཁྲིད་ པ། འཁྲབ་ གཞུང་ རྩོམ་ པ་ པོ། གར་ སྟེགས་ འཁྲབ་ སྟོན་ པ་ དང་ མདོ་ འཛིན་ པ། སྒྲ་ བརྙན་ རྩོམ་ སྒྲིག་ པ་ སོགས་ ཀྱི་ ལས་ ཀ་ གཉེར་ མྱོང་ ཡོད་ ལ། ཁོང་ གི་ པུར་ མིང་ ལ་ གངས་ བུ་ དགའ་ སྐྱེད་ དང་ འབར་ རྡེའུ་ ཞེས་ བོད་ ཁམས་ ཡོངས་ ལ་ གྲགས་ ཡོད་ པ་ རེད།
སྐུ་ ཞབས་ སྨན་ བླ་ སྐྱབས་ ལགས་ ཀྱིས་ བཀའ་ དྲིན་ ཞུ་ ཚིག་ འབུལ་ བཞིན་ པ།
ནང་ མི་ ལྷན་ དུ་ གར་ སྟེགས་ སྟེང་ འཛོམས་ པ།
གར་ སྟེགས་ སྟེང་ གི་ ཁོང་ གི་ ཕ་ མ་ གཉིས་ ཀྱི་ འདྲ་ པར།
གཞོན་ སྐྱེས་ སྒྱུ་ རྩལ་ བ་ ཆེན་ མོ་ སྐུ་ ཞབས་ སྨན་ བླ་ སྐྱབས།
གར་ སྟེགས་ བརྙན་ ཡོལ་ ངོས་ ཀྱི་ སྒྱུ་ རྩལ་ བའི་ སྐད་ ཆ།
གཞོན་ སྐྱེས་ སྒྱུ་ རྩལ་ བ་ ཆེན་ མོ་ སྐུ་ ཞབས་ སྨན་ བླ་ སྐྱབས་ ཀྱི་ མི་ ཚེ་ ལོ་ རྒྱུས་ དང་ འབྲེལ་ བའི་ ཝེ་ ཁི་ དྲ་ ཐག http://bo.wikipedia.org/wiki/སྨན་ བླ་ སྐྱབས།
གཞས་ ཚིག་ <<གསེར་ གྱི་ སྐར་ ཚོམ>>གྱི་ དྲ་ ཐག http://www.youtube.com/watch?feature=player_embedded&v=B2yJAF73_xI#!
གཞས་ ཚིག་ <<ལྷན་ འཛོམས་ >> ཀྱི་ དྲ་ ཐག http://www.youtube.com/watch?v=ShPvU448FH4
གསར་ འགོད་ པ། ཚེ་ རིང་ རྒྱལ།
དུས་བབ་དྲ་བ་ནས།
No comments:
Post a Comment
སྐུ་ཉིད་ནས་བསམ་ཚུལ་འདོན་ཚེ་གཤམ་གྱི་ comment as ཡིག་སྒམ་ནང་ Anonymous བཞག། དེ་ནས་གཤམ་གྱི་ Publish གནོན།